بواسطة: محمد المخزنجي بتاريخ : السبت 06-02-2010 01:49 مساء
شعب واحد
شعر محمد المخزنجي
يا شعب يا واحد
رافعيين علم واحد
ودمنا واحد
مينا وعب واحد
غيطهم دا كان واحد
لما انقسم نصين
الحد كان واحد
واللي بيرويهم
ما هو نيل واحد
واما زرع لتنين
الطرح كان واحد
تعرف تجيب واحد
يفرق ما بين غلة
مينا وعب واحد
كانوا سوا في الجيش
واكلهم واحد
وشربهم واحد
وزيهم واحد
وهمهم واحد
ما عدوهم واحد
ويوم عبور القناه
كان حلمهم واحد
طب ليه هنتفرق
ما تيجوا نتواحد
نصبح راجل واحد
نمشي في طريق واحد
ما هو المسير واحد
ولو في يوم جاحد
حابب يفرقنا
يبقي الجواب واحد
دا ابو البشر واحد
رب العباد واحد
شعر
محمد المخزنجي
بواسطة: 
